ആരാധക ലോകത്തിന് ആവേശം പകര്‍ന്ന് മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്ത എമ്പുരാന്‍ ടീസര്‍ പുറത്ത്. മമ്മൂട്ടിയാണ് ടീസര്‍ പുറത്തിറക്കിയത്. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നട ഭാഷകളില്‍ ടീസര്‍ റിലീസ് ചെയ്തു. എട്ടു സംസ്ഥാനങ്ങളിലും നാലു രാജ്യങ്ങളിലുമായി 14 മാസം കൊണ്ടാണ് എമ്പുരാന്‍ പൂര്‍ത്തിയാക്കിയത്. മഞ്ജുവാര്യര്‍, ടൊവിനോ തോമസ്, സുരാജ് വെഞ്ഞാറമൂട്, പൃഥ്വിരാജ്, ഇന്ദ്രജിത്ത്, ഫാസില്‍, സാനിയ അയ്യപ്പന്‍, നൈല ഉഷ, അര്‍ജുന്‍ ദാസ് തുടങ്ങി വമ്പന്‍ താരനിരയാണ് അണിനിരക്കുന്നത്. ഫ്രഞ്ച് നടന്‍ എറിക് എബൗനി, ബ്രിട്ടീഷ് നടി ആന്‍ഡ്രിയ തിവദാര്‍
എന്നിവര്‍ ഉള്‍പ്പെടെയുള്ള വിദേശ താരങ്ങളും ചിത്രത്തില്‍ അണിനിരക്കുന്നുണ്ട്. മുരളി ഗോപി ആണ് രചന. ഛായാഗ്രഹണം സുജിത് വാസുദേവ്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരും ലൈക പ്രൊഡക്ഷന്‍സും ചേര്‍ന്നാണ് നിര്‍മ്മാണം. മാര്‍ച്ച് 27ന് ലോകവ്യാപകമായി എമ്പുരാന്‍ റിലീസ് ചെയ്യും.
Discover more from MALAYALAM
Subscribe to get the latest posts sent to your email.