തിരുവനന്തപുരം : കിഫ്ബി ഫണ്ട് ഉപയോഗിച്ച് നിര്‍മ്മിക്കുന്ന റോഡുകളില്‍ ടോള്‍ കൊണ്ട് വരാനുള്ള നീക്കത്തെ എതിര്‍ത്തു സിപിഐ. ടോളില്‍ എതിര്‍പ്പും എലപ്പുള്ളിയിലെ ബ്രൂവറി വേണ്ടെന്നും ഉള്ള സിപിഐ നിലപാടിനിടെ ആണ് ഇന്ന് എല്‍ഡിഎഫ് യോഗം വൈകീട്ട് ചേരുന്നത്. തദേശ തെരഞ്ഞെടുപ്പ് അടുത്തിരിക്കെ ടോള്‍ ജന വികാരം എതിരാക്കുമെന്നാണ് കഴിഞ്ഞ ദിവസം ചേര്‍ന്ന സിപിഐ എക്‌സിക്യൂട്ടീവിന്റ തീരുമാനം.
ടോളിന് കാരണം കേന്ദ്രത്തിന്റ നയം ആണെന്ന് ആദ്യം നല്ല രീതിയില്‍ ജനത്തെ ബോധ്യപെടുത്തണം എന്നാണ് പാര്‍ട്ടി നിലപാട്. ടോളിന്റെ ആവശ്യകത സിപിഎം മുന്നണി യോഗത്തില്‍ ആവര്‍ത്തിക്കും. വരുമാനം കണ്ടെത്തിയില്ലെങ്കില്‍ കിഫ്ബിക്ക് മുന്നോട്ട് പോകാന്‍ കഴിയാത്ത സ്ഥിതി ഉണ്ടാക്കുന്നത് കേന്ദ്രം എന്ന നിലപാട് സിപിഎം ആവര്‍ത്തിക്കും.
സ്വകാര്യ സര്‍വ്വകലാശാല ബില്‍ നിയമ സഭ സെലക്ട് കമ്മിറ്റിക്ക് വിടണം എന്നും സിപിഐ എക്‌സിക്യൂട്ടീവ് തീരുമാനിച്ചതും സിപിഎമ്മിനെ സമ്മര്‍ദ്ദത്തിലാക്കുന്നു. മൂന്നിന് ബില്‍ സഭയില്‍ അവതരിപ്പിക്കാനാണ് തീരുമാനം. കാര്യോപദേശക സമിതിയില്‍ പ്രതിപക്ഷവും ആവശ്യപ്പെട്ടത് ഇതേ നിലപാട് ആയിരുന്നു. വിവാദ വിഷയങ്ങളില്‍ മുന്നണി ഇനി എന്ത് തീരുമാനം എടുക്കും എന്നതാണ് അറിയേണ്ടത്.
Discover more from MALAYALAM
Subscribe to get the latest posts sent to your email.