സിനിമാ നിര്‍മാതാക്കളുടെ പ്രശ്‌നങ്ങള്‍ തുറന്നു കാണിച്ച് സുരേഷ് കുമാര്‍ ഉന്നയിച്ച വാദങ്ങള്‍ക്കു മറുപടിയായി ആന്റണി പെരുമ്പാവൂര്‍ പങ്കുവച്ച കുറിപ്പിനെ പിന്തുണച്ച് നടന്‍ ടൊവിനോ തോമസ്. മലയാള സിനിമ പ്രതിസന്ധിയിലാണെന്നും താരങ്ങള്‍ പ്രതിഫലം കുറയ്ക്കണമെന്നും സുരേഷ് കുമാര്‍ ആവശ്യപ്പെട്ടത് വലിയ വിമര്‍ശനത്തിനു വഴിയൊരുക്കിയിരുന്നു. പിന്നാലെ സുരേഷ് കുമാറിനെ കടുത്ത ഭാഷയില്‍ വിമര്‍ശിച്ച് ആന്റണി പെരുമ്പാവൂര്‍ പ്രതികരണവുമായി എത്തി. ആന്റണിയുടെ പോസ്റ്റ് ഷെയര്‍ ചെയ്തുകൊണ്ടാണ് ടോവിനോ തോമസ് ഐക്യദാര്‍ഢ്യം പ്രഖ്യാപിച്ചത്.
മലയാള സിനിമ തകര്‍ച്ചയുടെ വക്കിലാണെന്നും നൂറ് കോടി ക്ലബ്ബുകള്‍ നിര്‍മാതാക്കളുടെ നുണക്കഥകളാണെന്നും പ്രസ് മീറ്റില്‍ സുരേഷ് കുമാര്‍ തുറന്നു പറഞ്ഞിരുന്നു. യുവതാരങ്ങളുടെ അമിതമായ പ്രതിഫലം കാരണം മലയാള സിനിമകള്‍ നഷ്ടത്തിലേക്കു കൂപ്പുകുത്തുന്നുവെന്നും കഴിഞ്ഞ മാസം മാത്രമുണ്ടായ നഷ്ടം 110 കോടിയാണെന്നും അദ്ദേഹം വെളിപ്പെടുത്തി. ടൊവിനോ തോമസ് നായകനായെത്തിയ ഐഡന്റിറ്റി വലിയ നഷ്ടമാണ് നിര്‍മാതാവിന് ഉണ്ടാക്കിയതെന്നും 30 കോടി മുടക്കിയ ചിത്രം വെറും മൂന്നര കോടി രൂപയാണ് തിയറ്ററില്‍ നിന്ന് നേടിയതെന്നും സുരേഷ് കുമാര്‍ കൂട്ടിച്ചേര്‍ത്തു.
Discover more from MALAYALAM
Subscribe to get the latest posts sent to your email.