പത്തനംതിട്ട: ബസ് സ്റ്റാന്‍ഡില്‍ കറങ്ങി നടക്കുന്നത് ചോദ്യം ചെയ്ത എസ്‌ഐയെ മര്‍ദിച്ച പ്ലസ് ടു വിദ്യാര്‍ഥി അറസ്റ്റില്‍. വള്ളിക്കോട് വാഴമുടം ഈസ്റ്റ് കിടങ്ങേത്ത് പുതുപ്പറമ്പില്‍ വീട്ടില്‍ ജിബിന്‍ ബിജു (18) ആണ് അറസ്റ്റിലായത്. പത്തനംതിട്ട ബസ്സ്റ്റാന്‍ഡില്‍ സ്ത്രീകളെ ശല്യം ചെയ്യുന്നതായി വിവരം ലഭിച്ചതിന്റെ അടിസ്ഥാനത്തലാണ് പത്തനംതിട്ട സ്റ്റേഷനിലെ എസ്‌ഐ ജിനു സ്ഥലത്തെത്തിയത്.
കറങ്ങി നടക്കുന്നത് കണ്ട ജിബിനോട് എസ്‌ഐ വീട്ടില്‍ പോകാന്‍ പറഞ്ഞപ്പോള്‍,അത് പറയാന്‍ താനാരാണെന്നായിരുന്നു വിദ്യാര്‍ഥിയുടെ ചോദ്യം. പൊലീസിനു നേരെ തട്ടിക്കയറുകയും ചെയ്തു. എന്നാല്‍ നമുക്ക് സ്റ്റേഷനില്‍ പോവാമെന്ന് പറഞ്ഞ് എസ്‌ഐ വിദ്യാര്‍ഥിയുടെ കൈയില്‍ പിടിച്ച് ജീപ്പിനടുത്തേക്കെത്തിയപ്പോള്‍ വിദ്യാര്‍ഥി പിന്നില്‍ നിന്ന് എസ്‌ഐയുടെ കഴുത്തിന് പിടിച്ച് താഴെയിടുകയും കമ്പിവടികൊണ്ട് തലയ്ക്ക് അടിക്കുകയുമായിരുന്നു.
കൂടുതല്‍ പൊലീസ് എത്തിയാണ് ഇയാളെ സ്റ്റേഷനിലെത്തിച്ചത്. ബുധനാഴ്ച അറസ്റ്റ് രേഖപ്പെടുത്തി. കൃത്യനിര്‍വഹണം തടസപ്പെടുത്തല്‍, ദേഹോപദ്രവം ഏല്‍പ്പിക്കല്‍ തുടങ്ങിയതിനാണ് വിദ്യാര്‍ഥിക്കെതിരേ കേസെടുത്തിരിക്കുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Discover more from MALAYALAM
Subscribe to get the latest posts sent to your email.