ചോറ്റാനിക്കര: വീടിനുള്ളില്‍ അവശനിലയില്‍ പെണ്‍കുട്ടിയെ കണ്ടെത്തിയ സംഭവത്തില്‍ ആണ്‍സുഹൃത്ത് കസ്റ്റഡിയില്‍. ചോറ്റാനിക്കരയിലെ വീടിനുള്ളില്‍ ഞായറാഴ്ചയാണ് പോക്സോ കേസിലെ ഇരയായ 19കാരിയെ അവശനിലയില്‍ കണ്ടെത്തിയത്. അര്‍ദ്ധനഗ്‌നയായി കഴുത്തില്‍ കയര്‍ മുറുകി പരിക്കേറ്റ നിലയിലായിരുന്നു പെണ്‍കുട്ടി.
പെണ്‍കുട്ടിയുടെ കയ്യിലൊരു മുറിവുണ്ടായിരുന്നു. ഈ മുറിവില്‍ ഉറുമ്പരിച്ചിരുന്നതായും കണ്ടെത്തിയിട്ടുണ്ട്. നിലവില്‍ കൊച്ചിയിലെ സ്വകാര്യ ആശുപത്രിയില്‍ ചികിത്സയിലുള്ള പെണ്‍കുട്ടിയുടെ ആരോഗ്യനില ഗുരുതരമായി തുടരുകയാണ്.
പെണ്‍കുട്ടി മര്‍ദ്ദനത്തിനിരയായിട്ടുണ്ടെന്നാണ് പൊലീസ് പറയുന്നത്. കസ്റ്റഡിയിലുള്ള ആണ്‍സുഹൃത്താണ് മര്‍ദ്ദിച്ചതെന്നാണ് നിഗമനം. ഈയാള്‍ തല്ല് കേസിലെ പ്രതിയാണ്. സംഭവത്തില്‍ പൊലീസ് വിശദമായ അന്വേഷണം ആരംഭിച്ചിട്ടുണ്ട്.
Discover more from MALAYALAM
Subscribe to get the latest posts sent to your email.