രണ്ടാംവിവാഹത്തിലെ പങ്കാളിയുമായുള്ള പ്രശ്നങ്ങള്‍ വഷളാക്കിയത് അദ്ദേഹത്തിന്റെ കൂടെയുള്ള സുഹൃത്തുക്കണെന്ന് സീരിയല്‍ നടി ആന്‍ മരിയ. രണ്ട് ബന്ധത്തിലും നൂറ് ശതമാനം കൊടുത്തിട്ട് അമ്പതുശതമാനം പോലും തിരിച്ചുകിട്ടിയില്ലെന്നും അവര്‍ പറഞ്ഞു. ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് അവര്‍ ഇക്കാര്യങ്ങള്‍ വെളിപ്പെടുത്തിയത്.
‘ഷാനിന്റെ കൂടെ മൂന്ന് വര്‍ഷമാണ് ജീവിച്ചത്. ആ മൂന്ന് വര്‍ഷവും ഞാന്‍ പെര്‍ഫക്ട് വൈഫ് ആയിരുന്നു. എന്റെ ഒരു അവിഹിതവും ഷാന്‍ കണ്ടുപിടിച്ചിട്ടില്ല. എന്റെ കരിയറും സ്വപ്നങ്ങളും മാറ്റിവെച്ച് കുടുംബിനിയായി തന്നെയാണ് ഞാന്‍ നിന്നത്’, ആന്‍ മരിയ പറഞ്ഞു.
‘ഞാനും ഷാനും തമ്മില്‍ പ്രശ്നങ്ങള്‍ ഉണ്ടായ സമയത്ത്, ഷാനിന്റെ കൂടെയുള്ള സുഹൃത്തുക്കളാണ് പ്രശ്നങ്ങള്‍ ഇത്രയും വഷളാക്കിയത്. ഷാന്‍ അത്രയും ക്ലോസായി കൊണ്ടുനടക്കുന്ന ഒരു കുടുംബമുണ്ട്, ആ പെണ്‍കുട്ടി ഷാനിന്റെ ക്ലാസ്മേറ്റാണ്. അവരുടെ ഭര്‍ത്താവ് ഡബിള്‍ ഗെയിം കളിക്കുന്നുണ്ടായിരുന്നു. അത് ഷാനിന്റെ അമ്മയ്ക്കും അറിയാമായിരുന്നു. അയാളുമായുള്ള സൗഹൃദം കുറച്ചാല്‍ തന്നെ ഷാനിന്റെ പകുതി പ്രശ്നങ്ങള്‍ കഴിയുമെന്നും ഷാന്‍ ഒരു ഫാമിലി മാന്‍ ആവുമെന്നും അമ്മ പറഞ്ഞിട്ടുണ്ട്. ഷാന്‍ ഒരു ഫാമിലി മാന്‍ ആവാത്തതിന്റെ കാരണം അയാളാണ്. അയാള്‍ എന്തെല്ലാം എന്നോട് പറഞ്ഞിട്ടുണ്ടെന്ന് എനിക്കറിയാം. നേരെ തിരിച്ച് ഷാനിനോടും പറഞ്ഞിട്ടുണ്ട്’, അവര്‍ കൂട്ടിച്ചേര്‍ത്തു.
‘എനിക്ക് ഷാനിനോട് ഒരുപരിഭവവും പരാതിയുമില്ല. ഇതിനകത്ത് വേറെ ആരെങ്കിലും കളിച്ചിട്ടുണ്ടെങ്കില്‍ അവര്‍ക്ക് ദൈവം കൊടുക്കട്ടെ. അമ്മയ്ക്കും ഞാനും എനിക്ക് അമ്മയും മതിയെന്നാണ് മകള്‍ പറഞ്ഞത്. ഇനിയൊരുവിവാഹത്തെക്കുറിച്ച് ആലോചിക്കില്ല. പേടിയാണ്’, ആന്‍ മരിയ വ്യക്തമാക്കി.
‘സ്ത്രീകളെ മാത്രം എന്തുകൊണ്ടാണ് സമൂഹം കുറ്റംപറയുന്നത്. ആണുങ്ങള്‍ക്കുമില്ലേ കുറവുകള്‍. എന്തുപറഞ്ഞാലും പെണ്ണുങ്ങള്‍ക്ക് മാത്രമാണ് കുറ്റം എന്നത് നമ്മുടെ നാട്ടില്‍ മാത്രമേയുള്ളൂ. ആണുങ്ങള്‍ക്ക് ഒന്നുമില്ല. ആദ്യമൊക്കെ അവര്‍ എന്തുപറയും ഇവര്‍ എന്തുപറയും എന്ന് എനിക്ക് വലിയ വിഷമമായിരുന്നു. അങ്ങനെ ചിന്തിച്ച് ജീവിച്ചാല്‍ നമുക്കേ നമ്മുടെ ജീവിതം പോവുകയുള്ളൂ. നമ്മള്‍ നമ്മളെ തന്നെ കൊന്നുകൊണ്ടിരിക്കുന്നതുപോലെയാവും. അതുകൊണ്ട് അമ്മ ചിന്തിക്കേണ്ട എന്ന് മകള്‍ തന്നെയാണ് പറഞ്ഞുതന്നത്’, അവര്‍ വ്യക്തമാക്കി.
Discover more from MALAYALAM
Subscribe to get the latest posts sent to your email.