പത്തനംതിട്ട: റാന്നിയില്‍ പതിമൂന്നുകാരിയെ പീഡിപ്പിച്ച സംഭവത്തില്‍ അമ്മയും ആണ്‍സുഹൃത്തും അറസ്റ്റില്‍. റാന്നി അങ്ങാടി സ്വദേശി ജയ്‌മോനും കുട്ടിയുടെ അമ്മയുമാണ് അറസ്റ്റിലായത്. അമ്മയുടെ ഒത്താശയോടെ ജയ്‌മോന്‍ കുട്ടിയെ പീഡിപ്പിച്ചെന്നാണ് കേസ്. 2024 സെപ്റ്റംബറിലായിരുന്നു കേസിന് ആസ്പദമായ സംഭവം. കൊലപാതകക്കേസിലെ പ്രതി കൂടിയാണ് ജയ്‌മോന്‍.
പത്തനംതിട്ടയിലെ ലോഡ്ജില്‍ എത്തിച്ച് അമ്മയുടെ മുന്നില്‍വച്ച് ജയ്‌മോന്‍ പീഡിപ്പിച്ചുവെന്ന് കുട്ടി ചൈല്‍ഡ് വെല്‍ഫയര്‍ കമ്മിറ്റിക്ക് മൊഴി നല്‍കിയിരുന്നു. കുട്ടിയുടെ മൊഴിയുടെ അടിസ്ഥാനത്തിലാണ് കേസെടുത്തത്. കേസ് റജിസ്റ്റര്‍ ചെയ്തതിനു പിന്നാലെ കുട്ടിയുടെ അമ്മയും ജയ്‌മോനും കര്‍ണാടകത്തിലേക്ക് കടന്നു. ഇവിടെനിന്ന് പത്തനംതിട്ട പൊലീസാണ് ഇരുവരെയും അറസ്റ്റ് ചെയ്തത്. തിരുവനന്തപുരത്താണ് കുട്ടിയുടെ കുടുംബം താമസിച്ചിരുന്നത്.
Discover more from MALAYALAM
Subscribe to get the latest posts sent to your email.