ഡല്‍ഹി: രാജ്യത്തെ ഗോത്രവര്‍ഗ വകുപ്പ് ‘ഉന്നതകുല ജാതര്‍’ കൈകാര്യം ചെയ്യട്ടെയെന്നും, ബ്രാഹ്മണനോ നായിഡുവോ കൈകാര്യം ചെയ്താല്‍ അവരുടെ കാര്യത്തില്‍ ഉന്നതിയുണ്ടാകുമെന്നുളള പ്രസ്താവന പിന്‍വലിച്ച് കേന്ദ്ര സഹമന്ത്രി സുരേഷ് ഗോപി.
ഡല്‍ഹിയിലെ തെരഞ്ഞടുപ്പ് റാലിക്കിടെ നടന്ന പ്രചാരണത്തിലായിരുന്നു സുരേഷ് ഗോപി തന്റെ പ്രസ്താവന പങ്ക് വച്ചത്. ഇതിനെതിരെ നിരവധി പേരാണ് രംഗത്തെത്തിയിരുന്നത്. എന്നാല്‍ മണിക്കൂറുകള്‍ക്ക് ഉളളില്‍ തന്നെ സുരേഷ് ഗോപി പ്രസ്താവന പിന്‍വലിച്ചു.
വിവാദപ്രസ്താവന ഇഷ്ടപ്പെട്ടില്ലെങ്കില്‍ പിന്‍വലിക്കുന്നുവെന്നു, വേര്‍തിരിവ് മാറ്റണം എന്നാണ് താന്‍ ഉദ്ദേശിച്ചതെന്നുമാണ് സുരേഷ് ഗോപി പറഞ്ഞത്. രാവിലത്തെ തന്റെ പരാമര്‍ശം വളച്ചൊടിക്കുകയാണ് ചെയ്തത്, പറഞ്ഞത് നല്ല ഉദ്ദേശത്തോടെയായിരുന്നു.
വാക്കുകള്‍ വന്നത് ഹൃദയത്തില്‍ നിന്നാണ്. മുഴുവന്‍ ഭാഗവും കൊടുത്തതുമില്ല. തന്റെ പാര്‍ട്ടിയാണ് ഗോത്രവിഭാഗത്തില്‍ നിന്ന് ഒരാളെ രാഷ്ട്രപതിയാക്കിയതെന്നും സുരേഷ് ഗോപി കൂട്ടിച്ചേര്‍ത്തു.
Discover more from MALAYALAM
Subscribe to get the latest posts sent to your email.