വാഷിങ്ടണ്‍: യുക്രൈന്‍ വിഷയത്തില്‍ പുതിനോട് നല്ല ദേഷ്യമുണ്ടെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. യുക്രൈന്‍ പ്രസിഡന്റ് വൊളോദിമിര്‍ സെലെന്‍സ്‌കിയുടെ രാഷ്ട്രീയഭാവിയെ പുതിന്‍ ചോദ്യംചെയ്തത് ചൂണ്ടിക്കാട്ടിയാണ് എന്‍ബിസി ന്യൂസിനോട് ട്രംപ് ഇക്കാര്യം പറഞ്ഞത്.
യുദ്ധം അവസാനിപ്പിക്കാനാകുന്നില്ലെങ്കില്‍ അത് റഷ്യയുടെമാത്രം തെറ്റാണെന്ന് ട്രംപ് പറഞ്ഞു. മുന്‍പ് ഇക്കാര്യത്തില്‍ ട്രംപിന്റെ പഴി യുക്രൈനായിരുന്നു. റഷ്യന്‍ എണ്ണയ്ക്ക് കൂടുതല്‍ തീരുവ ഏര്‍പ്പെടുത്തുമെന്ന് ട്രംപ് മുന്നറിയിപ്പുനല്‍കിയതായും എന്‍ബിസി ന്യൂസ് പറഞ്ഞു.
സെലെന്‍സ്‌കിയെ മാറ്റി യുഎന്‍ നേതൃത്വംനല്‍കുന്ന ഇടക്കാല സര്‍ക്കാര്‍ യുക്രൈന്റെ ഭരണമേറ്റെടുത്താല്‍ ഒത്തുതീര്‍പ്പിലെത്താമെന്ന വെടിനിര്‍ത്തല്‍ വ്യവ്യസ്ഥ കഴിഞ്ഞദിവസം പുതിന്‍ മുന്നോട്ടുവെച്ചിരുന്നു. ഇതാണ് ട്രംപിനെ പ്രകോപിപ്പിച്ചത്. യുഎസിന്റെ മധ്യസ്ഥതയില്‍ സൗദിയില്‍ നടന്ന ചര്‍ച്ചയില്‍ കരിങ്കടല്‍ കേന്ദ്രീകരിച്ചുള്ള ആക്രമണം നിര്‍ത്താന്‍ റഷ്യയും യുക്രൈനും സമ്മതിച്ചിരുന്നു. അധികാരത്തിലെത്തിയശേഷം യുക്രൈനോട് ഇടയുന്ന, റഷ്യയോട് അടുക്കുന്ന സമീപനമാണ് ട്രംപ് സ്വീകരിച്ചത്.
Discover more from MALAYALAM
Subscribe to get the latest posts sent to your email.