മകന് വേണ്ടി വിന്‍റോ സീറ്റ് മാറണമെന്ന് അമ്മ, ഇല്ലെന്ന് പറഞ്ഞതിന് പിന്നാലെ അഞ്ച് മണിക്കൂര്‍ യാത്ര അസ്വസ്ഥമാക്കിയെന്ന് കുറിപ്പ്

മാസങ്ങൾക്ക് മുമ്പ് ബുക്ക് ചെയ്ത വിമാനത്തിലെ വിന്‍റോ സീറ്റിനെ ചൊല്ലി ഒരു യുവതി തന്‍റെ അഞ്ച് മണിക്കൂർ വിമാന യാത്രയിലുട നീളം അസ്വസ്ഥത സൃഷ്ടിച്ചെന്ന യുവാവിന്‍റെ കുറിപ്പ് സമൂഹ മാധ്യമങ്ങളില്‍ വൈറലായി. റെഡ്ഡിറ്റിലാണ് തനിക്കുണ്ടായ ദുരവസ്ഥ വെളിപ്പെടുത്തി യുവാവ് കുറിപ്പെഴുതിയത്. നിരവധി പേര്‍ യുവാവിന്‍റെ കുറിപ്പിന് മറുപടി എഴുതാനെത്തിയതോടെ കുറിപ്പ് വൈറലായി.

തന്‍റെ ജനാലയ്ക്കരികിലെ സീറ്റ് ആവശ്യപ്പെട്ട യുവതിയോട് ഇല്ലെന്ന് മറുപടി പറഞ്ഞപ്പോൾ അവര്‍ മോശമായ തരത്തില്‍ പെരുമാറിയെന്ന് കുറിച്ച് കൊണ്ടാണ് യുവാവ് തന്‍റെ അനുഭവം വെളിപ്പെടുത്തിയത്. മാസങ്ങൾക്ക് മുമ്പ് ബുക്ക് ചെയ്ത അഞ്ച് മണിക്കൂര്‍ വിമാനയാത്രയിലായിരുന്നു താനെന്നും. വിമാന യാത്ര ചെയ്യുമ്പോൾ ജനാലയിലൂടെയുള്ള കാഴ്ച കാണാന്‍ എനിക്കേറെ ഇഷ്ടമാണ്. ഒപ്പം വിമാനത്തിന്‍റെ ചുമരില്‍ തല ചായ്ച്ച് കിടക്കാമെന്നും യുവാവ് എഴുതി. ഈ സമയാണ് തന്‍റെ കൗമാരക്കാരനായ കുട്ടിയുമായി ഒമ്മ എത്തിയത്.