കോട്ടയം: ആരോഗ്യ വകുപ്പിന്റെ നേതൃത്വത്തില്‍ നടത്തുന്ന കുഷ്ഠരോഗ നിര്‍ണയ ഭവന സന്ദര്‍ശന യജ്ഞം ‘അശ്വമേധം’ ആറാം ഘട്ടം 30 മുതല്‍ ഫെബ്രുവരി 12 വരെ നടത്തും. രോഗം ബാധിച്ചിട്ടുണ്ടെങ്കിലും തിരിച്ചറിയാത്തതു മൂലം ചികിത്സ ലഭിക്കാതെ കഴിയുന്നവരെ കണ്ടെത്തി ചികിത്സ നല്‍കുകയാണ് ലക്ഷ്യം. ‘പാടുകള്‍ നോക്കാം, ആരോഗ്യം കാക്കാം’ എന്നതാണ് ഈ വര്‍ഷത്തെ സന്ദേശം. ആശാപ്രവര്‍ത്തകര്‍, പരിശീലനം ലഭിച്ച വോളണ്ടിയര്‍ എന്നിവരുടെ നേതൃത്വത്തില്‍ അഞ്ചരലക്ഷത്തിലധികം വരുന്ന വീടുകള്‍ സന്ദര്‍ശിച്ചു പരിശോധന നടത്തും. രണ്ടുപേരടങ്ങുന്ന സംഘം 14 ദിവസം കൊണ്ട് 400 വീട് സന്ദര്‍ശിക്കും. ഹെല്‍ത്ത് ഇന്‍സ്പെക്ടര്‍മാര്‍, പബ്ലിക് ഹെല്‍ത്ത് നഴ്സുമാര്‍ എന്നിവരുടെ മേല്‍നോട്ടത്തില്‍ ആയിരിക്കും പരിപാടി നടപ്പിലാക്കുക. സാമൂഹികാരോഗ്യ കേന്ദ്രം ഡോക്ടര്‍മാര്‍ നേതൃത്വം നല്‍കും. കുഷ്ഠരോഗത്തിന് എല്ലാ സര്‍ക്കാര്‍ ആരോഗ്യ കേന്ദ്രങ്ങളിലും സൗജന്യ ചികിത്സ ലഭ്യമാണെന്ന് ജില്ലാ ലെപ്രസി ഓഫീസര്‍ ഡോ. പി. എന്‍. വിദ്യാധരന്‍ അറിയിച്ചു. ജില്ലയില്‍ ഈ വര്‍ഷം 14 പേരില്‍ കുഷ്ഠരോഗം കണ്ടെത്തിയതായും അദ്ദേഹം പറഞ്ഞു.
Discover more from MALAYALAM
Subscribe to get the latest posts sent to your email.