മധ്യ ചൈനയിലെ പ്രശസ്തമായ വിനോദസഞ്ചാര കേന്ദ്രത്തിൽ വേഷം മാറി പ്രകടനം നടത്താൻ ആളുകളെ ആവശ്യമുണ്ടെന്ന് പരസ്യം. സൗത്ത് ചൈന മോണിംഗ് പോസ്റ്റ് റിപ്പോർട്ട് ചെയ്യുന്നതനുസരിച്ച് വിനോദസഞ്ചാര കേന്ദ്രത്തിൽ എത്തുന്ന ടൂറിസ്റ്റുകൾക്ക് മുൻപിലാണ് ഇങ്ങനെ അഭിനയിക്കേണ്ടത്. താല്പര്യമുള്ളവർക്ക് പ്രതിദിന വേതനമായി വാഗ്ദാനം ചെയ്യുന്നത് 6000 രൂപയോളം ആണ്.
യുനെസ്കോയുടെ ലോക പൈതൃക സ്ഥലമായി അംഗീകരിക്കപ്പെട്ടതും ഹുബെയ് പ്രവിശ്യയിൽ സ്ഥിതി ചെയ്യുന്നതുമായ ഷെനോങ്ജിയ നാഷണൽ നേച്ചർ റിസർവിൽ ആണ് ഇത്തരത്തിൽ ഒരു പോസ്റ്റിലേക്ക് ജോലിക്കാരെ തേടിയിരിക്കുന്നത്. ജൂൺ 7 മുതൽ ഈ തസ്തികയിലേക്കുള്ള നിയമനം ആരംഭിച്ചതായാണ് സൗത്ത് ചൈന മോണിംഗ് പോസ്റ്റിന്റെ റിപ്പോർട്ടിൽ പറയുന്നത്. ഇതിനോടകം തന്നെ ഏകദേശം 10,000 പേർ ഈ ജോലിക്കായി അപേക്ഷിച്ചതായാണ് റിസർവിന്റെ മാനേജ്മെന്റ് കമ്പനി പുറത്തുവിടുന്ന വിവരങ്ങളിൽ പറയുന്നത്.
പ്രതിദിനം 500 യുവാൻ (ഏകദേശം 6,000) ശമ്പളം ലഭിക്കുന്ന ഈ ജോലി ജൂലൈ മുതൽ ഓഗസ്റ്റ് വരെ നീണ്ടുനിൽക്കും. വൈവിധ്യമാർന്ന വന്യജീവികൾ, മലനിരകളിൽ വസിക്കുന്ന കാട്ടുമൃഗങ്ങളെക്കുറിച്ചുള്ള കാലാകാലങ്ങളായുള്ള കെട്ടുകഥകൾ എന്നിവയ്ക്ക് പേരുകേട്ടതാണ് ഈ റിസർവ്. ശരാശരി താപനില 20°C വരെ സുഖകരമായതിനാൽ, വേനൽക്കാലത്തെ ചൂടിൽ നിന്ന് രക്ഷപ്പെടാനുള്ള ഒരു ജനപ്രിയ വിനോദസഞ്ചാര കേന്ദ്രം കൂടിയാണിത്.
Discover more from MALAYALAM
Subscribe to get the latest posts sent to your email.