‘എമര്‍ജന്‍സി’ സിനിമ സിഖ് വിരുദ്ധമെന്നാരോപിച്ച് യുകെയില്‍ പ്രക്ഷോഭം
ന്യൂഡല്‍ഹി: ഇന്ദിര ഗാന്ധിയായി കങ്കണ റണാവത് വേഷമിടുന്ന എമര്‍ജന്‍സി എന്ന സിനിമ പ്രദര്‍ശിപ്പിക്കുന്ന യുകെയിലെ വിവിധ തിയെറ്ററുകളില്‍ വന്‍ സംഘര്‍ഷം തുടരുന്നു. ഇന്ത്യന്‍ സര്‍ക്കാരിന്റെ സിഖ് വിരുദ്ധ അജന്‍ഡയുടെ ഭാഗമാണ് സിനിമ എന്നാരോപിച്ച് ഖാലിസ്ഥാന്‍ ഗ്രൂപ്പുകളാണ് പ്രക്ഷോഭം സംഘടിപ്പിക്കുന്നത്.
പ്രതിഷേധം നിയന്ത്രണാതീതമായ സാഹചര്യത്തില്‍ ബര്‍മിങ്ങാം, വോള്‍വര്‍ഹാംപ്ടണ്‍, വെസ്റ്റ് ലണ്ടന്‍ എന്നിവിടങ്ങളിലെ വിവിധ സിനിമ തിയെറ്ററുകളില്‍ പ്രദര്‍ശനം റദ്ദാക്കേണ്ടി വന്നു. വാരാന്ത്യത്തില്‍ പ്രതിഷേധം കൂടുതല്‍ തിയെറ്ററുകളിലേക്ക് വ്യാപിപ്പിക്കുമെന്നാണ് ഖാലിസ്ഥാന്‍വാദികള്‍ മുന്നറിയിപ്പ് നല്‍കിയിരിക്കുന്നത്.
അതേസമയം, അഭിപ്രായ സ്വാതന്ത്ര്യം എല്ലാവര്‍ക്കമുള്ളതാണെന്നും, ഈ സിനിമയുടെ കാര്യത്തിലും ബ്രിട്ടിഷ് സര്‍ക്കാര്‍ അക്കാര്യം ഉറപ്പാക്കുമെന്നാണ് പ്രതീക്ഷിക്കുന്നതെന്നും ഇന്ത്യന്‍ വിദേശകാര്യ മന്ത്രാലയം പ്രതികരിച്ചു.
നേരത്തെ, ഗുജറാത്ത് കലാപത്തില്‍ നരേന്ദ്ര മോദിക്ക് പങ്കുണ്ടെന്ന് ആരോപിക്കുന്ന ബിബിസി ഡോക്യുമെന്ററിയുടെ സംപ്രേഷണം ഇന്ത്യയില്‍ തടഞ്ഞത് അഭിപ്രായ സ്വാതന്ത്ര്യത്തിന്റെ ലംഘനമാണെന്ന് വ്യഖ്യാനിക്കപ്പെട്ടിരുന്നു.
ബ്രിട്ടിഷ് സര്‍ക്കാരിന്റെ കീഴിലുള്ള സ്ഥാപനമാണ് ബ്രിട്ടിഷ് ബ്രോഡ്കാസ്റ്റിങ് കോര്‍പ്പറേഷന്‍ എന്ന ബിബിസി.
Discover more from MALAYALAM
Subscribe to get the latest posts sent to your email.