കോട്ടയം: ഗാന്ധിനഗര്‍ ഗവ. നഴ്‌സിങ് കോളജിലെ റാഗിംഗ് കേസില്‍ അറസ്റ്റിലായ പ്രതികളെ പൊലീസ് കസ്റ്റഡിയില്‍ ആവശ്യപ്പെടും. ഇതിന്റെ ഭാഗമായി ഇന്നു പ്രൊഡക്ഷന്‍ വാറന്റ് ഹാജരാക്കും. കസ്റ്റഡിയില്‍ ചോദ്യം ചെയ്താല്‍ റാഗ്ിംഗില്‍ മറ്റാരെങ്കിലും ഉള്‍പ്പെട്ടിട്ടുണ്ടോ എന്ന വിവരം ലഭിക്കുമെന്നാണു പൊലീസിന്റെ പ്രതീക്ഷ.
കേസില്‍ സീനിയര്‍ വിദ്യാര്‍ഥികളായ കോട്ടയം മൂന്നിലവ് വാളകം കരയില്‍ കീരിപ്ലാക്കല്‍ സാമുവല്‍ ജോണ്‍സണ്‍ (20), വയനാട് നടവയല്‍ പുല്‍പള്ളി ഞാവലത്ത് എന്‍.എസ്.ജീവ (19), മലപ്പുറം മഞ്ചേരി പയ്യനാട് കച്ചേരിപ്പടി വീട്ടില്‍ സി.റിജില്‍ജിത്ത് (20), വണ്ടൂര്‍ കരുമാരപ്പറ്റ കെ.പി.രാഹുല്‍രാജ് (22), കോട്ടയം കോരുത്തോട് മടുക്ക നെടുങ്ങാട്ട് എന്‍.വി.വിവേക് (21) എന്നിവരാണ് അറസ്റ്റിലായത്. പട്ടികജാതിവര്‍ഗ വിഭാഗത്തിലുള്ളവര്‍ക്കുള്ള ജനറല്‍ നഴ്‌സിങ് മൂന്നുവര്‍ഷ കോഴ്‌സിലെ വിദ്യാര്‍ഥികളാണു റാഗിംഗിന് ഇരയായത്.
Discover more from MALAYALAM
Subscribe to get the latest posts sent to your email.